សាលា ប៊ែលធី អន្តរជាតិ ដឹកនាំសិស្ស-និស្សិត លោកគ្រូ-អ្នកគ្រូ និងសាស្រ្តាចារ្យ ជាង ៨,០០០នាក់ ចូលទស្សនាការតាំងពិព័រណ៍តម្បាញក្រមា ១,០០០ម៉ែត្រ

សាលា ប៊ែលធី អន្តរជាតិ ដឹកនាំសិស្ស-និស្សិត លោកគ្រូ-អ្នកគ្រូ និងសាស្រ្តាចារ្យ ជាង ៨,០០០នាក់ ចូលទស្សនាការតាំងពិព័រណ៍តម្បាញក្រមា ១,០០០ម៉ែត្រ" នេះជាសិស្សចំណេះទូទៅថ្នាក់ទី១០ សរុបចំនួន៥២៥នាក់ មកពី ៨សាខា របស់សាលា ប៊ែលធី អន្តរជាតិ បានចូលរួមទស្សនាការតាំងពិព័រណ៍តម្បាញក្រមា ១,០០០ម៉ែត្រ ដើម្បីត្រៀម “បំបែកឯតទគ្គកម្ម ក្រមាវែងជាងគេលើពិភពលោក” នៅវាលព្រះមេរុ នារសៀលថ្ងៃទី០៦ ខែមីនា ឆ្នាំ២០១៨។ សិស្ស-និស្សិតទាំងអស់នៃសាលា និងសាកលវិទ្យាល័យ ប៊ែលធី អន្តរជាតិ បានសិក្សាស្វែងយល់បន្ថែមពីតម្លៃនៃក្រមា និងរបៀបត្បាញក្រមារបស់កម្ពុជាយើង។
BELTEI International School led more than 8,000 students, teachers, and lectures to visit the 1,000m Hand-Woven Scarf “Krama” Exhibition. These are 525 Grade 10 students from 8 campuses of BELTEI International School visited the 1,000m Hand-Woven Scarf “Krama” Exhibition, preparing for “The Breaking of the World Record for the Longest Hand-Woven Scarf-Krama” at Veal Preah Meru on the afternoon of March 06, 2018. All students get to know more about the value of our Krama and also how to weave the Krama.

សម្តេចតេជោ ហ៊ុន សែន អញ្ជើញបើកសន្និសីទ ចក្ខុវិស័យប្រទេសកម្ពុជា ឆ្នាំ២០១៨

សម្តេចតេជោ ហ៊ុន សែន អញ្ជើញបើកសន្និសីទ ចក្ខុវិស័យប្រទេសកម្ពុជា ឆ្នាំ២០១៨
នៅព្រឹកថ្ងៃ ព្រហស្បតិ៍ ១៤រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៥ ខែមីនា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់នៅក្នុងសន្និសីទ ចក្ខុវិស័យប្រទេសកម្ពុជា ឆ្នាំ២០១៨ ក្រោមប្រធានបទ «វិទ្យាសាស្រ្ត និងបច្ចេកវិទ្យា សំរាប់ឧស្សាហូបនីយកម្មកំណើនសេដ្ឋកិច្ច និងការអភិវឌ្ឍប្រទេសកម្ពុជា» (2018 Cambodia Outlook Conference – Science and Technology for Industrialization, Economic growth and Development in Cambodia) នៅសណ្ឋាគារ Sofitel រាជធានីភ្នំពេញ។

 នៅរសៀលថ្ងៃដដែលនេះដែរ សម្តេចតេជោ នាយករដ្ឋមន្រ្តីនឹងអញ្ជើញធ្វើដំណើរទៅកាន់ប្រទេស Australia ដើម្បីចូលរួមកិច្ចប្រជុំកំពូលពិសេសអាស៊ាន-អូស្រ្តាលីផងដែរ (ASEAN-Australia Special Summit 2018)។
គេហទំព័រ Facebookសម្តេចតេជោនាយករដ្ឋមន្ត្រី នឹងផ្សាយផ្ទាល់(Live)ពិធីនេះនៅម៉ោង ៨:៣០នាទីព្រឹកបន្តិចទៀតនេះ៕

សម្ដេចតេជោ ហ៊ុន សែន​អញ្ជើញដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំកំពូលពិសេសអាស៊ាន-អូស្ត្រាលី

សម្ដេចតេជោ ហ៊ុន សែន​

សម្ដេចតេជោ ហ៊ុន សែន​អញ្ជើញដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំកំពូលពិសេសអាស៊ាន-អូស្ត្រាលី

នៅរសៀលថ្ងៃ ព្រហស្បតិ៍ ១៤រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៥ ខែមីនា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជា ទៅចូលរួមកិច្ចប្រជុំកំពូលពិសេសអាស៊ាន-អូស្រា្តលី ដែលនឹងប្រព្រឹត្តទៅពីថ្ងៃទី១៦-១៨ ខែ មីនា ឆ្នាំ២០១៨ នៅទីក្រុងស៊ីដនី ប្រទេសអូស្រ្តាលី (Sydney, Australia)។
កិច្ចប្រជុំកំពូលពិសេសអាស៊ាន-អូស្រា្តលីនេះ នឹងផ្តល់ឱកាសដ៏សំខាន់សម្រាប់មេដឹកនាំអាស៊ាន និងអូស្រា្តលីដើម្បីពិភាក្សាប្រកបដោយភាពស្មោះត្រង់ទៅវិញទៅមកលើប្រធានបទសំខាន់ៗនានាដែលជាផលប្រយោជន៍រួម និងដើម្បីចែករំលែកការយល់ឃើញ និងទស្សនៈនានា ទៅលើទិសដៅនាពេលអនាគតនៃទំនាក់ទំនងអាស៊ាន-អូស្រា្តលី។

នៅក្នុងកិច្ចប្រជុំកំពូលពិសេសអាស៊ាន-អូស្រា្តលី សម្តេចតេជោនាយករដ្ឋមន្រ្តី រួមជាមួយថ្នាក់ដឹកនាំអាស៊ាន និងនាយករដ្ឋមន្រ្តីអូស្រ្តាលី នឹងអញ្ជើញធ្វើជាអធិបតីក្នុងពិធីចុះហត្ថលេខា លើអនុស្សរណៈនៃការយោគយល់គ្នា រវាងអាស៊ាន និងអូស្រា្តលី ស្តីពីកិច្ចសហប្រតិបត្តិការប្រយុទ្ធប្រឆាំងភេរវកម្មអន្តរជាតិផងដែរ។ ក្នុងកំឡុងពេលស្នាក់នៅប្រទេសអូស្រ្តាលី សម្តេចតេជោ ហ៊ុន សែន នឹងអញ្ជើញជួបសំណេះសំណាល សួរសុខទុក្ខបងប្អូន និងនិស្សិតខ្មែរ ដែលកំពុងរស់នៅ និងកំពុងសិក្សានៅប្រទេសអូស្ត្រាលី។
សូមជូនពរ បងប្អូនជនរួមជាតិ ទាំងក្នុង និងក្រៅប្រទេសជួបតែសេចក្តីសុខចម្រើនគ្រប់ៗគ្នា៕

+

សម្ដេចតេជោ ហ៊ុន សែន​មានប្រសាសន៏នៅក្នុង FACEBOOK  PAGE របស់គាត់ថា៖ នៅពេលនេះ ខ្ញុំកំពុងចេញដំណើរទៅប្រទេសអូស្រ្តាលី ដើម្បីចូលរួមកិច្ចប្រជុំកំពូលពិសេសអាស៊ាន-អូស្រ្តាលី នៅទីក្រុងស៊ីដនី ចាប់ពីថ្ងៃទី ១៦-១៨ មីនា ២០១៨ ។ ការធ្វើដំណើរលើកនេះអាចត្រូវប្រើពេលជិត១២ម៉ោង ដែលខ្ញុំត្រូវសម្រាកក្នុងយន្តហោះពេញ១យប់។
ខ្ញុំសប្បាយរីករាយក្នុងការទៅចូលរួមកិច្ចប្រជុំកំពូលពិសេស ដើម្បីកម្ពុជាកាន់តែមានឱកាសរិតចំណងមិត្តភាព និងសហប្រតិបត្តិការកាន់តែល្អរឹងមាំជាមួយរដ្ឋាភិបាលអូស្រ្តាលី និងជាមួយបណ្តាមេដឹកនាំមកពីប្រទេសនានាមួយចំនួនទៀត។ ទន្ទឹមនឹងនេះ ខ្ញុំសង្ឃឹមថានឹងបានជួបបងប្អូនខ្មែរដែលបានទៅរស់នៅប្រទេសអូស្ត្រាលីជាច្រើនឆ្នាំមកហើយ ព្រមទាំងក្មួយៗសិស្ស និស្សិតដែលបាន និងកំពុងសិក្សានៅអូស្រា្តលីតែម្តង។ ខ្ញុំសូមអរគុណបងប្អូនដែលបានរៀបចំទទួលរូបខ្ញុំនិងគណប្រតិភូដែលនឹងទៅដល់ស្អែកនេះ។
សូមជូនពរបងប្អូនជនរួមជាតិទាំងក្នុង និងក្រៅប្រទេសជួបតែសេចក្តីសុខ និងសំណាងល្អគ្រប់ៗគ្នា៕