សាកលវិទ្យាល័យ ប៊ែលធី
អន្តរជាតិ
សហការជាមួយ
អង្គការសម្ព័ន្ធយុវជនអន្តរជាតិនៅកម្ពុជា (IYF)
ភ្នំពេញ៖ រសៀលថ្ងៃអង្គារ ៤កើត
ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨ សាកលវិទ្យាល័យ ប៊ែលធី អន្តរជាតិ (ដែលជាសាកលវិទ្យាល័យ ដែលមានប្រជាប្រិយភាពមួយនៅកម្ពុជា)បានសហការជាមួយអង្គការសម្ព័ន្ធយុវជនអន្តរជាតិនៅកម្ពុជា (IYF) (ដែលជាអង្គការមួយ ដែលកកើតឡើង ដោយគំនិតផ្តួចផ្តើយុវជនគ្រីស្ទានទូទាំងពិភពលោក ដែលមាន
មូលដ្ឋាននៃអង្គការសម្ព័ន្ធយុវជនអន្តរជាតិមូលនិធិអប់រំ(IYFEF) ដែលជាអង្គការ
មិនរកប្រាក់ចំណេញនៅញូវយ៉ក។អង្គការសម័្ពន្ឋយុវជនអន្តរជាតិ
ត្រូវបានឧទ្ទិសដល់ការរីកចម្រើនខាងវិញ្ញាណ,
បញ្ញានិងអារម្មណ៍របស់មនុស្សវ័យក្មេង នៅជុំវិញពិភពលោក) ក្រោមការគាំទ្រពីក្រសួងអប់រំ យុវជន និងកីឡា នឹងរៀបចំការបោះជំរំអន្តរជាតិ
លើកទី៨ ឆ្នាំ២០១៨។តាមរយៈសន្និសីទសារព័ត៌មានដែលបានប្រារព្ធធ្វើកាលពីរសៀលថ្ងៃអង្គារ ៤កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨ នៅសាកលវិទ្យាល័យ ប៊ែលធី អន្តរជាតិ ទីតាំងទី១ (ទួលស្លែង) ការបោះជំរំអន្តរជាតិឆ្នាំ ២០១៨ នឹងរៀបចំធ្វើរយៈពេល ៣ថ្ងៃ ចាប់ពីថ្ងៃទី ២២ ដល់ថ្ងៃទី ២៤ ខែ មីនា ឆ្នាំ២០១៨ នៅមជ្ឈមណ្ឌលសន្និបាត និងពិព័រណ៍កោះពេជ្រ ក្រោមប្រធានបទ ការអប់រំចិត្តយុវជនអោយមានភាពជាអ្នកដឹកនាំ ប្រកបដោយសីលធម៌ និងគុណធម៌ និងមានគោលបំណងសំខាន់បណ្ដុះបណ្ដាលស្មារតី និងដុសខាត់យុវជនអោយមានភាពជាអ្នកដឹកនាំទៅថ្ងៃអនាគត។
គួរបញ្ជាក់ថាជារៀងរាល់ឆ្នាំ ប៊ែលធី តែងបានបញ្ជូន សិស្ស-និសិត្សរបស់ខ្លួន ដើម្បីទៅចូលរួម ការបោះជំរំអន្តរជាតិ ទាំងក្នុងប្រទេស និងក្រៅប្រទេស។ អង្គការសម្ព័ន្ធយុវជនអន្តរជាតិ មានកម្មសិទ្ធិព្រឹត្តិការណ៍និងឱកាសជាក់ស្តែង អង្គការសម័្ពន្ឋយុវជនអន្តរជាតិខិតខំ:
- ការងារបេសកកម្មគ្រីស្ទានកម្រិតខ្ពស់ក្នុងប្រទេសអភិវឌ្ឍន៍និងកំពុងអភិវឌ្ឍន៍
- បង្កើតការផ្លាស់ប្តូរវប្បធម៌អន្តរជាតិនិងការយល់ដឹង
- វិធីសាស្រ្តគ្រប់គ្រងជំនួសនៃការអប់រំក្រោយមធ្យមសិក្សា
- លើកកម្ពស់តម្លៃនៃសិល្បៈសំដែងមានអត្ថន័យនេះ
- សម្របសម្រួលរយៈពេលខ្លីនិងការងារស្ម័ចិត្តរយៈពេលវែងនៅក្នុងស្រុកនិងក្រៅប្រទេស
- ការអភិវឌ្ឍជំនាញភាពជាអ្នកដឹកនាំដែលត្រូវបានអនុវត្តនៅលើកម្រិតសកល៕
No comments:
Post a Comment